Круша

Таканаречената Европска круша или обична круша (Pyrus communis) е вид круша што потекнува од Централна и Источна Европа и Југозападна Азија. Дрвото круша припаѓа на фамилијата Rosaceae и потфамилијата Pomoideae, заедно со јаболката и дуњата. Родот Pyrus се состои од околу 22 вида кои се одгледуваат во Азија, Европа и Северна Африка.
Европската или обична круша е повеќегодишно, листопадно дрво и се одгледува поради својот плод. На дрвото растат мали, бели цветови (околу 2,5 cm или 1 инч во дијаметар) и се добива крушковидно, месесто овошје. Дрвото круша може да порасне високо до 9 метри и може да дава плод околу 20 години.