Потрошувачи

Секој ден, Koppert Biological Systems им помага на одгледувачите и земјоделците низ светот да се борат против штетниците и болестите на природен и одржлив начин. На овој начин, се надеваме дека ќе дадеме активен придонес за одржливо општество, со безбедна храна во доволни количества да ја прехрани популацијата што забрзано расте.

Произведувањето на нашите природни непријатели, бумбари, и микробиолошки решенија е процес што бара многу знаење. Покрај тоа, имплементирањето на нашите производи бара интензивна поддршка. Затоа Koppert ги продава своите производи исклучиво на професионални одгледувачи и земјоделци.

За да ви ја обезбедиме најдобрата можна услуга како потрошувач, создадовме листа со често поставувани прашања. Се надеваме дека одговорот на вашето прашање ќе го најдете во оваа листа.

Биолошка заштита на култури

Што претставува биолошката заштита на култури?
Идејата зад биолошката заштита на култури е многу едноставна: природни непријатели какви што се грабливи пајаци, бубамари и паразитски оси се ослободуваат за да се борат против штетните инсекти, на истиот начин како што тоа го прават во дивината. Koppert испорачува различни видови на паразитски оси, грабливи пајаци, инсекти и бубачки, муви шишкарици и мрежокрилци. Посетете го нашиот канал на YouTube за да видите како природните непријатели го напаѓаат нивниот плен.

Зошто да се користи биолошка заштита на култури?

Одгледувачите низ светот во голема мерка применуваат биолошка заштита на култури. Како резултат на тоа, употребата на инсектициди во хортикултурата значително е намалена, а истовремено одгледувачите добиваат поголеми приноси со повисок квалитет. Производите одгледани со помош на биолошка заштита на култури се здрави и безбедни и за потрошувачите и за животната средина. Супермаркетите кои продаваат зеленчук и цвеќиња ги сметаат дека аспектите на одржливост и здрава животна средина се многу важни. 

Каде можам да ги купам вашите производи?

Ние не ги продаваме нашите производи на приватни купувачи и аматерски градинари. Професионалните одгледувачи можат да стапат во контакт со некој од дистрибутерите на Koppert.

Како да знам дали овошјата и зеленчуците во супермаркетот се одгледувани одржливо со користење биолошка заштита на култури?

Иако сѐ повеќе и повеќе одгледувачи користат природни непријатели наместо хемиски агенси за да се борат со штетници и болести, тоа не е видливо на самите производи. Прашајте во супермаркетот и охрабрете ги да усвојат поодржливи практики.

Ако купите производ со етикета „органски“, можете да бидете сигурни дека не се користени методи за хемиска заштита на култури.

Купив растение со картичка/кесичка на Koppert внатре. Што да направам со истата?

Картичката/кесичката во растението значи дека се користени природни непријатели за борба против штетниците. Тоа е добар знак и значи дека сте купиле одржливо растение! Може да ја оставите картичката/кесичката во растението. Таа сѐ уште може да содржи некои природни непријатели, кои ќе продолжат да се борат со штетниците на растението. Не грижете се за овие инсекти: тие се заинтересирани само за штетниците и ќе изумрат кога штетниците ќе бидат елиминирани.

Природно опрашување

Што претставува природното опрашување?
Зеленчуците како домати и благи пиперки често се одгледуваат во оранжерии. Додека вкусниот мал домат стигне до вашата чинија, тој веќе минал долг пат. Билката прво мора да формира плод пред доматот всушност да почне да расте. Во природата, инсектите и другите животни се грижат за опрашувањето и следствено за образувањето плод. Пчелите се традиционално важни опрашувачи на полјоделски култури и хортикултурни култури. Бумбарот е близок роднина на пчелата. Во 1987 година се откри дека бумбарите може да бидат исклучително корисни во оранжерии за целите на опрашување.

Зошто да се употребува природно опрашување?

Користењето на бумбари им заштедува на одгледувачите многу време и рачен труд. Културите во спротивно би требало да се опрашуваат рачно. Исто така, стана јасно дека природното опрашување со бумбари дава подобри резултати. Го подобрува оплодувањето, го подобрува квалитетот на овошјето и генерира повисоки приноси.

Koppert произведува различни типови на бумбари во различни земји, во зависност од локалната законска регулатива. Овие бумбари повеќе не се произведуваат само за култури на домати; одгледувачи на повеќе од 120 различни видови култури ги купуваат нашите улишта и бумбари. Од тогаш се произведени милијарди бумбари. Со оглед на тоа што природната популација на пчелите и другите инсекти што опрашуваат е загрозена, ова производство е поважно од кога и да е претходно.

Која е разликата помеѓу бумбарите и пчелите?

Бумбарите користат опрашување со брмчење, кое е од суштинско значење за доматите и корисно за боровинките.
Бумбарите исто така добро работат заедно со пчелите.

Главните разлики се:

  • бумбарите се поголеми и повлакнести од пчелите
  • бумбарите не произведуваат мед
  • бумбарите живеат во помали колонии (стотици наместо десетици илјади)
  • колонијата бумбари не хибернира, хибернираат само кралиците
Зошто обезбедувате бумбари, а не пчели?

Бумбарите се вредни работници. Еден бумбар може да опраши околу 150 килограми домати, да посети илјадници цветови и да работи осумнаесет часа на ден. Бумбарот може да патува до десет километри од својата кошница и да собере и пренесе шеесет проценти од неговата телесна тежина во полен. И бумбарите не дозволуваат лошите временски услови да ги забават - тие продолжуваат да работат на ладно и ветровито време исто така. Тоа објаснува зошто бумбарите се користат покрај пчелите, кои претпочитаат да останат во кошницата при лошо време. Бумбарите на Koppert исто така се исклучително здрави. Независни установи го оценуваат нивниот квалитет и здравје, а и Koppert спроведува свои сопствени строги проверки.

Како да нарачам колонија бумбари?

За жал, потрошувачи не може да нарачаат колонии бумбари.

Бев боцнат од бумбар. Што да направам?

Овие информации за убодите на бумбарите обезбедуваат упатство за намалување на шансата да бидете боцнати од бумбар и за можната реакција на убодот и за третманот.

Микробиолошки решенија

Покрај корисните организми и опрашувачите, микробиолошките производи какви што се бактериите и габите го формираат третиот столб на одржливото производство на растенија и култури. Иако не можат да се видат со голо око, овие производи - кои може да се користат над и под почвата - го имаат потенцијалот да прават неверојатни нешта. Тие се борат против болести и штетници, ги зајакнуваат културите и ја подобруваат апсорпцијата на хранливи материи. Нивниот развој бара висококвалитетно и скапо научно истражување.

Како работат микроорганизмите?

Процесот може да се разликува, но биолошкиот фунгицид Trianum е одличен пример. Trianum е заснован на габата Trichoderma harzianum. Спорите на сојот T-22 го колонизираат коренскиот систем на растението и ги чуваат патогените подалеку.

Задачи/училиште

Дали работите на задача за на училиште? Ако е така, посетете ја http://www.secretagentsinhorticulture.com/ за информации за биолошка заштита на култури, природно опрашување и микробиологија. Исто така може да најдете многу информации на www.koppert.com, но овие информации се наменети за професионални одгледувачи.

Нарачување промотивни материјали

Посетете ја нашата онлајн продавница за да нарачате брошури и други промотивни материјали. Имајте на ум дека брошурите и летоците се наменети за професионални одгледувачи.

Одете во онлајн продавница

Претплатете се на нашиот билтен

Добијте ги најновите вести и информации за вашите култури директно во вашето поштенско сандаче

Оваа страница е заштитена од reCAPTCHA и Политиката за приватност и Условите на услугата на Google.
Лизгај до врв