Нашата компанија

Нашата компанија

Koppert Biological Systems произведува решенија за одржливо одгледување за култури за исхрана и декоративни растенија. Заедно со одгледувачите и во партнерство со природата, работиме да ги направиме земјоделството и хортикултурата поздрави, побезбедни, попродуктивни и поиздржливи. Oва го постигнуваме со користење природни непријатели и микроорганизми што се борат со штетниците и болестите на растенијата, бумбари за природно опрашување и биостимулатори што ги поддржуваат и зајакнуваат културите и над и под површината на земјата. Обновување и заштита на виталните екосистеми на природен начин е основата за здрави култури и балансирана животна средина.

На ова додадете го нашето квалитетно професионално знаење и советодавни услуги и ќе сфатите зошто растечки број на одгледувачи нѐ смета за партнер со кој може да ги исполни своите амбиции.

Play video

Мисија и визија

Koppert Biological Systems придонесува за подобро здравје на луѓето и планетата. Во партнерство со природата, ние го правиме земјоделството поздраво, побезбедно и попродуктивно. 

Обезбедуваме интегриран систем на специјалистичко знаење и природни, безбедни решенија што го подобруваат здравјето на културата, издржливоста и производството. 

Koppert Biological Systems
Партнери со природата

Истражување и развој

Постојаното настојување да се откријат и искористат природните принципи ја формира с`ржта на активностите на Koppert. Силата на Koppert се наоѓа во способноста да го претвори ова знаење во практични примени кои придонесуваат во наоѓањето решенија за надминување на проблемите.

Во изминатите години, обемното професионално знаење на Koppert за микроорганизмите, биостимулаторите и феромоните инспирираше безбројни решенија кои ја подобрија издржливоста на растенијата до точка во која болестите имаат многу мала можност за успех.

Одделението за истражување и развој на Koppert често беше изворот на биолошки решенија кои потоа се усвојуваа низ целиот свет. Благодарение на големата посветеност на компанијата, сега може да се воведе цел спектар видови на зоофагни пајачиња за борба против голем број штетници. Слични пионерски откритија во врска со решенијата за опрашување ја обезбедија основата за исклучителната ефикасност на производството и подобрувањето на квалитетот кај многу култури.

Производство насекаде низ светот и дистрибуција на решенија

Решенијата се применливи и корисни само ако може ефикасно да се репродуцираат и дистрибуираат. Koppert и партнерите успешно го усовршија ова во последните неколку години. Koppert има холистички пристап кон растенијата и развива решенија за сите релевантни елементи.

Наши суштински дисциплини:

  • одржлив раст со NatuGro
  • контрола на штетници
  • природно опрашување
  • техники за примена и следење
  • третман на семе

професионално знаење и споделување знаење

Иако Koppert е главно позната по своите производи, компанијата всушност е компанија на знаење. Со нашата силна база за истражување и развој, веруваме дека споделувањето знаење и обучувањето на персоналот е важен чекор кон постигнување одржливо земјоделство и хортикултура.

Повеќе од 300 професионални консултанти гарантираат поддршка на продавачите и одгледувачите во секојдневното справување со предизвиците. Покрај оперативни совети, тие посветуваат многу време и напори за пренесување на своето основно знаење за природата и соодветните решенија. Koppert нуди различни курсеви и непосредно работи со универзитетите низ светот за да го направи знаењето достапно за поширока целна група.

Во Koppert се уверени дека знаењето е важен елемент за успех.

Историјат

Во 1967 година, Јан Коперт беше посветен одгледувач на краставици. Ден по ден тој даваше максимум за да ја подобри својата култура и да постигне најдобри резултати. Болестите и штетниците беа контролирани со хемикалии, но ефикасноста на производите за хемиска заштита на посевите се намалуваше секоја година. Работите крајно се влошија кога Јан Коперт стана алергичен и се разболе како резултат на овие производи. Тој мораше да се соочи со суштински избор: да престане да работи или да побара алтернатива.

Со извонредна посветеност, Јан се вложи себе си во барањето алтернативи и навлезе во светот на природните непријатели. Тој беше првиот што воведе природен непријател да се бори со наездата на копривиниот пајак во неговиот сопствен расадник. Резултатите и ефектите беа толку позитивни што Јан Коперт реши да го произведува ова решение, не само за својата компанија, туку и да го продава на неговите колеги одгледувачи. Се роди Koppert Biological Systems.

Од тогаш потрагата по биолошки решенија само се зголеми и ја доведе компанијата во позиција на лидер на пазарот за биолошка заштита на културите и природно опрашување. Решенијата на Koppert во моментов успешно се применуваат во повеќе од 100 земји.

Претплатете се на нашиот билтен

Добијте ги најновите вести и информации за вашите култури директно во вашето поштенско сандаче

Оваа страница е заштитена од reCAPTCHA и Политиката за приватност и Условите на услугата на Google.
Лизгај до врв